حبيباتي تگملة الموضوع وهنا فقط الجدول او الاهتمام اثناء الحمل ------------------------- فترةً الحمل حاولي مهما تگون نفسيتگ من بيتگ ولدگ بنتگ اهلگ اهل زوجگ أفصلي گل أمورگ الشخصية بأمورگ الخاصة گوني متفائلة مهما مريتو بظروف او مهما سار لگم ماضي او حاضر گوني قوية بنفسگ بذاتگ بشخصيتگ بشگلگ بگل مافيگي واهم شي اهم شي ي حوامل ثقتگم التامة واليقين التام بالله وما خاب من قال يااارب ..............نبدء بجدولنا.............. بعد ما تاخذي نفس عميق وتتقوي بالتوگلً عالله ابدئي يومگ بگل فرح وتفائل ابدئي يومك بعصير طبيعي عصير فرش ينعنشككً🍹 افطري وجبة الفطور مهمة سوي لك سموذي (عبارة عن عصير من فواكةة ويكون ثقيل )يشبعكً من مجموعة فواكة طبيعية ومتوفرة بالبيت عندكم سموذي الفروالة والموز او سموذي التوت والحليب او سموذي الافكادو او اواواواووا مليان عالم السموذي ضيفي عالعصير او الاسموذي سبانخ جذعين صغار او ملعقة زيت زيتون روعة يفيد جسمگم ويعالجكمً من الداخل قبل الخارج گليً سلطة فرش تبولة سيزر تحبو اكتبلكم طريقتها عالعيني وراسي خيارة جزرة تفاحة مو شرط شي دسم حاجة مفيدة تنفعكم وتنفع الجنين كوب حليب مع عسل مكسرات العسل خلي فترة الصباح دايمن تگون لكم لنفسگم اهتمو فيها بنفسكم اقرئي ورد لگ لو صفحة من القران ترد روحگ وتنشطگ فگري بجنينگ وگيف لو جاهه راح تحبيه وتحني عليهه ايش. راح تطبخي له ايش راح تدلعيه اقري عالبطنگ سمعيه صوتگ دلعيه گلميه غني له اذا عندگ اولاد من قبل جلسيهم عندگ اتگلمي معاهم علميهم گوني قوية عشان يستمدو القوة منگ ----------ماقبل النوم---------- قبل النوم ادهني بطنك وجسمك بكريم تفتيح او زيت او خلطة تحبيها تكون خفيفة عليكم وتتحملوها وقت النوم فايدة دهن البطن قبل النوم انالتشققات ما تكثر ولاتسًوي خريطة بالبطن وتسهل عليكم بعد الولادة الاهتمام فيها عندكم زيت اللوز الحلو روووعة لتفتيح الجسم عندكم خلطة نونو انا كذا اسميها بودرة نونو مع موية ورد واحطها بوجهي او جسمي وانام فيها ولم اصحى يكون الجسم نوعا ما امتصها او كريم فيتامين سي من الصيدلية او كريم تفتيح جاهز او زبدة الشيا الخام انصح فيها تحطيه قبل ماتنامي او بعد الخلطة -------------الاسنان ----------- انصحكم قبل النوم تفركو لثتكم وسنونكم بقشرة الموز من داخل والله نظااااافة وقبل م تنامي فرشي اسنانك وتمضمضي بزيت زيتون راح يحمي اللثة من الالتهابات ------------الاستحمام---------- كل يومين فالاسبوع خلي استحمامك غير خليهه يكون بمقشر وخلطة كاملة لجسمك لم تهتمي بيشرتك فترة الحمل ماتتعبي بعد الولادة ففترة الاربعين مقرشي الخاص عبارة عن مقشر كاب ملعقتين +مقشر ملح الحليب +اي مقشر تحبيه انا استخدم مقشر المشمش اخلط منهم كمية قبل الاستحمام واتحمم فيه والله مع الاستمرار تدعوليً يرطب ويفتح ويقشر باقي الجسم واهم شي بعد الاستحمام الترطيييييييب بأي كريم تحبوهه ------------------------- أكثرو شرب المااااء في اليوم الواحد اكثر من ٨ كاسات او علب صحة للموية الماء مفييييد للجسم ضيفو لجدولكم الي تحبوهه ورتبو أموركم واولوياتگم خلو لكم وقت فراغ تختلو فيه لنفسكم وانشالله اكون افدتكم والجزء الثالث بعد فترة عن الاهتمام بعد الحمل وكيف جسمك يرجع لطبيعتهه وخصركك يصغر تاني الله يسعدكم يا اخواتي