بعض مستشفيات الرياض عن تجربه

91922

9 years ago

المرحلة الثانية (الأشهر 4,5,6)

السلام عليكم ورحمة الله وبركاته كيفكم كروشات 🌹 حبيباتي انا راح اكتب لكم عن المستشفيات الي جربتها والي جربوها ناس اعرفهم شخصيا علشان تكون عندنا خلفيه واي وحده جربت مستشفى معين او احد قريب منها تكتب عنه هنا نتعاون مع بعض علشان تكون عندنا خلفيه ومساعده للغير ويجعلها ربي خالصه لوجهه الكريم حياكم الله جميعا في الموضوع اختكم ام نايف 🌹

568 تعليقات

العضوة: 91922 , 9 years ago

بتكلم عن قوى الامن من تجربتي كل مواعيدي عندهم اهتمام ورعايه وممتاز ولدت عندهم مرتين ومن فضل ربي كانت اهتمامهم ورعايتهم ممتازه جدا مستشفى الايمان معفن لابعد حد وما انصح فيه ابدا ابدا ابدا مستشفى رعايه الرياض عن تجربه ممتاز مممتاز ممتاز مستشفى الحرس ممتاز ممتاز العسكري ممتاز ممتاز المواساة الجديد مدحوه ناس ويقولو ممتاز دله ممتاز جدا الحبيب ناس تمدحه وناس لا هذا الي يحضرني واذا فيه شي عرفته ماراح ابخل عليكم ان شاء الله

العضوة: 94472 , 9 years ago

اتابع ف دله واول مره في مستشفيات الرياض الله يجزاك خير 💖

العضوة: 91922 , 9 years ago

اشهد ان لا اله الا الله وحده لا شريك له له الملك وله الحمد وهو ع كل شيء قدير 🍀 الله اكبر ..الله اكبر ..الله اكبر لا اله الا الله الله اكبر الله اكبر ولله الحمد 🌺

العضوة: 62556 , 9 years ago

تجربتي في ثلاث مستشفيات. اولا مستشفى دلة .هو نظيف لكن زحمة جدا ما قدرت اكمل فيه. مستشفى الحمادي . تابعت فيه الأشهر الأولى. المستشفى نظيف و رعاية تامة .عندهم بعض الدكاترة أكفاء و بعضهم لا. في حملي الأول كنت متابعة مع دكتورة هندية كانت ممتازة او بعدها سافرت و تابعت مع دكتورة باكستانية و كانت كذلك ممتازة. في حملي هذا تابعت مع دكتورة من جنسية عربية لكن للأسف كان أداءها ضعيف جدا و غيرتها لدكتورة ثانية كذلك جنسية عربية لكن نفس الشي ما ارتحت لاداءها. فكرت اغير المستشفى . سألت و قالوا لي سليمان الحبيب ممتاز . لكن لما شفت في الأخبار أنها المستشفى الأولى من حيث الأخطاء الطبية في المملكة تراجعت و ما رحت لها. آخر شي حاليا المستشفى السعودي البريطاني. نصحتني صديقتي لانها ولدت فيه و مدحت لي دكتورة هناك . استخرت ووتوكلت على الله و حاليا اتابع مع الدكتورة السورية نادية الحامضة . مرتاحة لها . و اتمنى ربي ييسر الولادة و نقوم كلنا بالسلامة يارب . و انا من رايي ان اي مستشفى يكون فيها دكاترة ممتازين و يكون فيها متوسطين او أقل. هو الواحدة لازم تحاول تختار الدكتورة لتناسبها. و لازم تشوف كذلك الرعاية الطبية في المستشفى من اهتمام و نظافة الخ.... الله يكتب لنا لفيه الخير ويسخر لنا عباده الطيبين

العضوة: 62556 , 9 years ago

انا باقي لي يوم و ادخل للشهر التاسع .و ان شاء الله بعد الولادة اذا قمت بالسلامة اكتب تجربتي في الولادة و المستشفى . لأنه بعد الولادة يكون عندي حكم كامل على جودة المستشفى . حتى تستفيد الأخوات ان شاء الله .