9 years ago
  • المرحلة الأولى ( اول 3 اشهر)
بنات من شوي اكتشفت انو عنجد طريقة حساب هالحاسبة. صحيحة مية بل مية طبعا اغلبكن مستغربين وعاملين هيك😒😕😩 بس عنجد صبايا من شوي قارنت بين الحساب يلي قالتلي عليه بنت حمايي ويلي الأغلبية بيتبعوه هوي انو نحسب اول يوم بآخر دورة ونضيف فوقو10 ايام ونكبهن ونحسب اول يوم بل حمل بعدهن😅 مثلا آخر دورة 1/1 بتحسبي اول يوم حمل /1/11 يعني كل 11 الشهر بتدخلي بشهر. بس هاي الطريقة لما الوحدة بتوصل للتاسع وبتخلصو وبتكون مفكرة انها كملت ال40 اسبوع بيطلع النتيجة 38 اسبوع😱 يعني غلط!! رح قلكن كيف عرفت جبت ورقة وقلم وسجلت اشهر الحمل 1 2 3...هيك للتاسع وطبعا بما انو من 11 لا11 بتدخلي بشهر فبلنتيجة الشهر30 يوم وحسبت من الشهر الأول للتاني 30 من التاني للتالت 30 من التالت للرابع 30 الخ حتى وصلت للشهر التاسع وجمعت التلاتينات مع بعض يعني الاشهر و طلع الناتج 270 قسمتو على 7 طلع الناتج 38 !! يعني انا جمعت الأشهر وقسمتهم على اسابيع وطلع الناتج 38 اسبوع حمل بينما لازم يكون 40 فهمتو عليي. اما طريقة حساب هالبرنامج حسبتها حسب عدد اسابيع الحمل لكل شهر يعني متل مابتعرفو البرنامج بيحسب على الأسابيع ما متل هديك الطريقة المهم هلق انتو اذا بدكن تتأكدو بتشوفي ع حاسبة البرنامج انتي بأي اسبوع مثلا خلينا نقول اول يوم بالأسبوع 9 يعني اول يوم بل شهر التالت طيب الأسبوع التالت كم اسبوع! ؟ الأسبوع التالت 5 بتروحي على التقويم مثلا الشهر اليوم /1/1 ولا تنسي انك اول يوم بالشهر التالت يعني بتعدي 5 اسابيع كاملات بعد مابتخلصي ال5 اسابيع بتلاقي انو آخر يوم بشهر التالت هوي يوم2 / 4 وهيك انتي بتكوني خلصتي التالت وبتضلي تحسبي بنفس الطريقة على حسب هالطريقة👇 الشهر الأول من 1 الى4 اسابيع الشهر التاني من 5 الى 8 اسابيع الشهر التالت من 9 الى 13 اسبوع الشهر الرابع من 14 الى 17 اسبوع الشهر الخامس من 18 الى 21 اسبوع الشهر السادس من 22 الى 26 اسبوع الشهر السابع من 27 الى 30 اسبوع الشهر التامن من 31 الى 35 اسبوع الشهر التاسع من 36 الى 40 اسبوع انا آخر دورة 2/12 والبرنامج حاسبلي انو انا بالأسبوع السابع اليوم آخر يوم وعملت متل ماحكيتلكن فوق يعني زودت اسبوع وطلع انو ب28 الشهر بخلص الشهر التاني يعني بخلص الأسبوع8 وب 4 مارس بخلص الأسبوع 13 وب 1 ابريل بخلص الاسبوع 17 وب29 ابريل بخلص الأسبوع 21 وب 3 يونيو بخلص الأسبوع26 وب1 يوليو بخلص الأسبوع 30 وب5 اغسطس بخلص الأسبوع35 وب9 سبتمبر بخلص الأسبوع الأربعين. 😀 متل الموعد المتوقع على الحاسبة الفرق يوم واحد بس ب9/9 موعد ولادتي ان شاء الله فهمتو كيف صبايا انا حاولت اشرحلكن والله إلي ساعة ماسكة الورقة وقلم وعم احسب وطلعت الحمدلله طريقة الحاسبة صحيحة ورح امشي عليها.

114 تعليقات

العضوة: 38604 , 9 years ago

والله مافهمت شيء😅 ممكن تحسبي لي اخر دوره 22/9

العضوة: 10960 , 9 years ago

انا اسمع بعض البنات بقولو صحيحة والبعض يقولو لأ حتى انا استغربت انو شلون بينحسب الحمل من اول يوم دورة مافاتت بمخي بس بعدين فهمتها صح وطلعت صحيصة اكتر من الطريقة يلي نحنا منتبعها انو مامنحسب ايام الدورة ومنحسب من اول ايام اباضة وهالشي طلع غلط وكل وحدة حابة تتأكد تحسب متل ما انا عملت

العضوة: 10960 , 9 years ago

@user-38604 هههههههههههه توقعت هههههههه حبيبتي انا يلي عم قولو انو حساب الحاسبة صحيح ولازم نمشي عليها لأن انا عملت مقارنة بين حساب الحاسبة تبع البرنامج والحساب العادي طلع حساب البرنامج ادق وازبط

العضوة: 10960 , 9 years ago

@user-38604 يعني جيبي ورقة وقلم وسجلي عدد اسابيع الحمل لكل شهر انا كاتبتهم فوق وبعدها بتحسبي كل ايمت بتخلصي وبتكملي شهر من شهور الحمل لحتى توصلي على على الأسبوع اربعين اليوم يلي بتكوني خلصتي فيه الاسبوع الاربعين هاد هوي يوم ولادتك المتوقع

العضوة: 38604 , 9 years ago

مشكوره حبيبتي 🌷

العضوة: 10960 , 9 years ago

في طريقة كمان قالتلي علييها وحدة اليوم بل برنامج والطريقة بتطالع تاريخ الولادة نفس حساب البرنامج الطريقة انو ترجعي تلت شهور من الشهر يلي صار فيه الحمل وتضيفي 7 ايام التاريخ يلي رح يطلعلك بكون تاريخ ولادتك مثلا آخر دورة /2/12 بتنقصي تلت شهور وبتضيفي 7 ايام بصير هيك /9/9/ هاد تاريخ الولادة يعني آخر يوم بشهرك التاسع

العضوة: 10960 , 9 years ago

@user-38604 العفو حبيبتي ان شالله تكوني فهمتي عليي 😉😙😙

العضوة: 31926 , 9 years ago

@user-10960 حبيبتي احسبيلي انا اخر دور 2/7/2016

العضوة: 10960 , 9 years ago

@user-31926 حبيبتي ادخلي اول يوم دورة بالحاسبة هيي بتحسبلك حسابها صحيح مية بل مية

العضوة: 25539 , 9 years ago

@user-10960 😅😅😅😅 مافهمت شي

العضوة: 10960 , 9 years ago

@user-25539 يي يا الله عاد والله حاولت كتير اشرح قد مابقدر قوليلي شو يلي مافهمتي مشان فهمك

العضوة: 16785 , 9 years ago

@user-10960 انا حساب الدكتور والحاسبه نفس الشي فرق يوم واحد بس

العضوة: 10960 , 9 years ago

@user-16785 اي منيح نيالك ان شالله انا كمان تحسبلي متلك الله يتمملك على خير

العضوة: 45733 , 9 years ago

ارجوكي احسبيلي 15\12\2016

العضوة: 10960 , 9 years ago

@user-45733 حبيبتي حسابي رح يكون نفس حساب البرنامج 😊 يعني انتي حطي اخر دورة بل حاسبة وهيي بتحسبلك مزبوط اما الطريقة التانية يلي ذكرتها اول شي بس مانها دقيقة يعني موعد الولادة بكون على 38 اسبوع مو40 اسبوع يعني ناقص اسبوعين اذا رح احسبلك عليها يعني انتي كل 26 الشهر بتدخلي شهر جديد