9 years ago
  • المرحلة الأولى ( اول 3 اشهر)
بنات من شوي اكتشفت انو عنجد طريقة حساب هالحاسبة. صحيحة مية بل مية طبعا اغلبكن مستغربين وعاملين هيك😒😕😩 بس عنجد صبايا من شوي قارنت بين الحساب يلي قالتلي عليه بنت حمايي ويلي الأغلبية بيتبعوه هوي انو نحسب اول يوم بآخر دورة ونضيف فوقو10 ايام ونكبهن ونحسب اول يوم بل حمل بعدهن😅 مثلا آخر دورة 1/1 بتحسبي اول يوم حمل /1/11 يعني كل 11 الشهر بتدخلي بشهر. بس هاي الطريقة لما الوحدة بتوصل للتاسع وبتخلصو وبتكون مفكرة انها كملت ال40 اسبوع بيطلع النتيجة 38 اسبوع😱 يعني غلط!! رح قلكن كيف عرفت جبت ورقة وقلم وسجلت اشهر الحمل 1 2 3...هيك للتاسع وطبعا بما انو من 11 لا11 بتدخلي بشهر فبلنتيجة الشهر30 يوم وحسبت من الشهر الأول للتاني 30 من التاني للتالت 30 من التالت للرابع 30 الخ حتى وصلت للشهر التاسع وجمعت التلاتينات مع بعض يعني الاشهر و طلع الناتج 270 قسمتو على 7 طلع الناتج 38 !! يعني انا جمعت الأشهر وقسمتهم على اسابيع وطلع الناتج 38 اسبوع حمل بينما لازم يكون 40 فهمتو عليي. اما طريقة حساب هالبرنامج حسبتها حسب عدد اسابيع الحمل لكل شهر يعني متل مابتعرفو البرنامج بيحسب على الأسابيع ما متل هديك الطريقة المهم هلق انتو اذا بدكن تتأكدو بتشوفي ع حاسبة البرنامج انتي بأي اسبوع مثلا خلينا نقول اول يوم بالأسبوع 9 يعني اول يوم بل شهر التالت طيب الأسبوع التالت كم اسبوع! ؟ الأسبوع التالت 5 بتروحي على التقويم مثلا الشهر اليوم /1/1 ولا تنسي انك اول يوم بالشهر التالت يعني بتعدي 5 اسابيع كاملات بعد مابتخلصي ال5 اسابيع بتلاقي انو آخر يوم بشهر التالت هوي يوم2 / 4 وهيك انتي بتكوني خلصتي التالت وبتضلي تحسبي بنفس الطريقة على حسب هالطريقة👇 الشهر الأول من 1 الى4 اسابيع الشهر التاني من 5 الى 8 اسابيع الشهر التالت من 9 الى 13 اسبوع الشهر الرابع من 14 الى 17 اسبوع الشهر الخامس من 18 الى 21 اسبوع الشهر السادس من 22 الى 26 اسبوع الشهر السابع من 27 الى 30 اسبوع الشهر التامن من 31 الى 35 اسبوع الشهر التاسع من 36 الى 40 اسبوع انا آخر دورة 2/12 والبرنامج حاسبلي انو انا بالأسبوع السابع اليوم آخر يوم وعملت متل ماحكيتلكن فوق يعني زودت اسبوع وطلع انو ب28 الشهر بخلص الشهر التاني يعني بخلص الأسبوع8 وب 4 مارس بخلص الأسبوع 13 وب 1 ابريل بخلص الاسبوع 17 وب29 ابريل بخلص الأسبوع 21 وب 3 يونيو بخلص الأسبوع26 وب1 يوليو بخلص الأسبوع 30 وب5 اغسطس بخلص الأسبوع35 وب9 سبتمبر بخلص الأسبوع الأربعين. 😀 متل الموعد المتوقع على الحاسبة الفرق يوم واحد بس ب9/9 موعد ولادتي ان شاء الله فهمتو كيف صبايا انا حاولت اشرحلكن والله إلي ساعة ماسكة الورقة وقلم وعم احسب وطلعت الحمدلله طريقة الحاسبة صحيحة ورح امشي عليها.

114 تعليقات

العضوة: 37893 , 9 years ago

انا رحت الدكتوره قالتلي انو انا بأول الرابع يعني الاسبوع 13

العضوة: 37893 , 9 years ago

والحاسبه ليوم دخلت أسبوع 15

العضوة: 173 , 9 years ago

انا الحاسبه والدكتوره متل بعض 100 بالميه ونفس تاريخ الولاده ... مشان هيك مرتاحه وما بفكر باليوم يلي بفوت فيه بشهري .. خلص حسب الاسابيع هيك اسهل وادق بكتير

العضوة: 10960 , 9 years ago

@user-37893 الدكتورة عم تحسبلك بل شهور يعني كل 30 يوم بتخلصي شهر والحاسبة بتحسب بلأسابيع شفتي انا شو كاتبة فوق عدد اسابيع الحمل في كل شهر هيك الحاسبة بتحسب متل الجدول يلي كاتبتو فوق وحساب الأسابيع افضل وأدق وانتي مابعرف عراحتك مين بدك تتبعي انا بفضل تحكي لدكتورتك وهيي تشرحلك

العضوة: 10960 , 9 years ago

@user-34982 31 اسبوع و6 ايام

العضوة: 46427 , 9 years ago

@user-10960 ههههه انتي متلي بزبط انا آخر دورة الي٣/١٢ و موعد ولادتي ٩/٩

العضوة: 10960 , 9 years ago

@user-46427 😍😍😍 تمام ان شالله منولد سوا بنفس اليوم😊

العضوة: 44674 , 9 years ago

@user-10960 شطورة كتير إحنا سوا 😍

العضوة: 27967 , 9 years ago

@user-10960 أنا دكتورتي حسبتلي نفس الحاسبة وحتى بيوم الولادة نفسو ...وماشية عليه بإذن الله

العضوة: 10960 , 9 years ago

@user-44674 😍😍😙 الله يتمملنا ولجميع الحوامل على خير شفتي البيبي😍

العضوة: 44674 , 9 years ago

@user-10960 هانت لسه يوم ٢٥/١ 😘

العضوة: 10960 , 9 years ago

@user-27967 ايييه نيالك بتمنى الدكتورة كمان تعطيني نفس الحساب حتى مخي مايتلخبط وانا ع الحالتين رح قلها وبشوف شو رح تنصحني

العضوة: 27967 , 9 years ago

@user-10960 ههههههه إن شاء الله ..الله يتمملك على خير يا رب ♡♡