بنات من شوي اكتشفت انو عنجد طريقة حساب هالحاسبة. صحيحة مية بل مية طبعا اغلبكن مستغربين وعاملين هيك😒😕😩
بس عنجد صبايا من شوي قارنت بين الحساب يلي قالتلي عليه بنت حمايي ويلي الأغلبية بيتبعوه هوي انو نحسب اول يوم بآخر دورة ونضيف فوقو10 ايام ونكبهن ونحسب اول يوم بل حمل بعدهن😅 مثلا آخر دورة 1/1 بتحسبي اول يوم حمل /1/11 يعني كل 11 الشهر بتدخلي بشهر. بس هاي الطريقة لما الوحدة بتوصل للتاسع وبتخلصو وبتكون مفكرة انها كملت ال40 اسبوع بيطلع النتيجة 38 اسبوع😱 يعني غلط!!
رح قلكن كيف عرفت جبت ورقة وقلم وسجلت اشهر الحمل 1 2 3...هيك للتاسع وطبعا بما انو من 11 لا11 بتدخلي بشهر فبلنتيجة الشهر30 يوم وحسبت من الشهر الأول للتاني 30 من التاني للتالت 30 من التالت للرابع 30 الخ حتى وصلت للشهر التاسع وجمعت التلاتينات مع بعض يعني الاشهر و طلع الناتج 270 قسمتو على 7 طلع الناتج 38 !! يعني انا جمعت الأشهر وقسمتهم على اسابيع وطلع الناتج 38 اسبوع حمل بينما لازم يكون 40 فهمتو عليي.
اما طريقة حساب هالبرنامج حسبتها حسب عدد اسابيع الحمل لكل شهر يعني
متل مابتعرفو البرنامج بيحسب على الأسابيع ما متل هديك الطريقة
المهم هلق انتو اذا بدكن تتأكدو بتشوفي ع حاسبة البرنامج انتي بأي اسبوع مثلا خلينا نقول اول يوم بالأسبوع 9 يعني اول يوم بل شهر التالت طيب الأسبوع التالت كم اسبوع! ؟ الأسبوع التالت 5 بتروحي على التقويم مثلا الشهر اليوم /1/1 ولا تنسي انك اول يوم بالشهر التالت يعني بتعدي 5 اسابيع كاملات بعد مابتخلصي ال5 اسابيع بتلاقي انو آخر يوم بشهر التالت هوي يوم2 / 4 وهيك انتي بتكوني خلصتي التالت وبتضلي تحسبي بنفس الطريقة على حسب هالطريقة👇
الشهر الأول من 1 الى4 اسابيع
الشهر التاني من 5 الى 8 اسابيع
الشهر التالت من 9 الى 13 اسبوع
الشهر الرابع من 14 الى 17 اسبوع
الشهر الخامس من 18 الى 21 اسبوع
الشهر السادس من 22 الى 26 اسبوع
الشهر السابع من 27 الى 30 اسبوع
الشهر التامن من 31 الى 35 اسبوع
الشهر التاسع من 36 الى 40 اسبوع
انا آخر دورة 2/12 والبرنامج حاسبلي انو انا بالأسبوع السابع اليوم آخر يوم وعملت متل ماحكيتلكن فوق يعني زودت اسبوع وطلع انو ب28 الشهر بخلص الشهر التاني يعني بخلص الأسبوع8
وب 4 مارس بخلص الأسبوع 13
وب 1 ابريل بخلص الاسبوع 17
وب29 ابريل بخلص الأسبوع 21
وب 3 يونيو بخلص الأسبوع26
وب1 يوليو بخلص الأسبوع 30
وب5 اغسطس بخلص الأسبوع35
وب9 سبتمبر بخلص الأسبوع الأربعين. 😀
متل الموعد المتوقع على الحاسبة الفرق يوم واحد بس ب9/9 موعد ولادتي ان شاء الله فهمتو كيف صبايا انا حاولت اشرحلكن والله إلي ساعة ماسكة الورقة وقلم وعم احسب وطلعت الحمدلله طريقة الحاسبة صحيحة ورح امشي عليها.
العضوة: 10960 , 9 years ago
@user-30469 حبي طريقة الحاسبة صحيحة وبتحسب بالأسابيع 😉 الحمل على الحاسبة40 اسبوع اما الحساب العادي38 اسبوع انا هاد يلي عم حاول وصلو😘العضوة: 10960 , 9 years ago
@user-46273 امين يارب الله يسمع منك ولكي بل مثل ان شالله😘😘😘العضوة: 10960 , 9 years ago
@user-27967 امين يااارب والداعية😊😘العضوة: 10960 , 9 years ago
@user-47837 حبيبتي حساب الحاسبة صحيح اتبعيهاالعضوة: 47837 , 9 years ago
يعني انا هلأ فعليآ بنهاية الاسبوع الخامس !!! انا مو فاهمة كيف زبطت حساباتهم انا اخر دورة الي ب 25/12 احسبيلي انتي ! بدون الحاسبة هايالعضوة: 10960 , 9 years ago
@user-47837 اي حبيبتي احسبلك يعني من ايام التبويض؟العضوة: 10960 , 9 years ago
@user-47837 اول يوم دورة 25 صحالعضوة: 47837 , 9 years ago
اه 25 كانت اخر دورة اليالعضوة: 10960 , 9 years ago
@user-47837 3 اسابيع ويوم من ايام التبويض حسبت يعني من اليوم ال14 للدورةالعضوة: 47837 , 9 years ago
طيب البرنامج كاتبلي الاسبوع الخامس اليوم السادس وبرنامج تاني اليوم دخلت بالشهر التاني انا مش فاهمة شي 😭😭😭العضوة: 10960 , 9 years ago
@user-47837 اي لأنو كل مين متبع طريقة حساب شكل وهاد البرنامج بيحسب من اول يوم دورةالعضوة: 29347 , 9 years ago
@user-10960 والله ياحبيبتي الحاسبة الحمل والدكتورة اللي براجع عندها طلعو مو متل بعض متلا انا ااخر دورة اللي 3-10-2016 الحاسبه الحمل مكتوب انا بعد يومين رح ادخل الخامس والدكتورة حكتلي كل 10 الشهر بدخل بشهري ونزلت موضوع انو حد يحسبلي اللي كاتب 3-2 رح ادخل الخامس واللي 10-2 .. واللي 30-1 رح ادخل احسبيلي حبيبتي انا كم يوم بالرابع ومتى بدخل الخامسالعضوة: 10960 , 9 years ago
@user-29347 هههههههههه اي لأنو في كذا طريقة للحساب والموضوع هاد بوضح انو حاسبة الحمل بتحسب الحمل مزبوط 40 اسبوع يعني متل مالازم يكون اما الطرق التانية بتنقص اسبوعين او اكترالعضوة: 10960 , 9 years ago
@user-29347 في ناس بتحسب من ايام التبويض يعني اليوم يلي نزلت فيه البويضة وفي ناس بتحسب من ايام الخصوبة يعني اليوم 11 من الدورة وهوي اليوم يلي بتكون فيه الخصوبة ابتدأت لانو الأيام يلي قبلو مابصير حمل بكون مافي خصوبة وحاسبة الحمل بتحسب من اول يوم دورة وانتي ختاري ههههههالعضوة: 29347 , 9 years ago
@user-10960 يعني شو انتي بحساباتك انا بأي اسبوع ومتى بدخل الخامس