السلام عليكم بنات بما انو هوايه يسألون عن العمليه القيصريه اني والده قبل اسبوع بعمليه وقررت اكتب الكم تجربتي
اول مافقت من البنج حسيت بوجع قسم بالله عمري ماحسيته وجع حييييل قوي بس مووجع العمليه بس لامعاه الالام الدوره حسيت الرحم حيل يوجعني يكولون هنا الرحم يدور عالطفل ويوجع المهم اول يوم بس يحطون مسكنات بالكانونه كل شويه مسكن ومع المسكنات اكو الم نمت اول ليله بالمستشفى الدكتور كلي بكيفج تردين تطلعين بس اني فضلت ابات علمود المسكنات المهم مانمت الليل كله تدمرت من الالم الم ظهري والم بطني والم العمليه بعدها ثاني يوم الصبح كتبلي الدكتور على خروج وكلي بعد اسبوع افتحلج الخيط اجه زوجي وطلعنه طبعآ طلعوني على الكرسي لان مااكدر اتحرك ابد ورجعت للبيت ونفس الشي الحركه مثل الموت عندي وطفلي يرضع صدري واموت يلا احسن وضعيتي ثالث يوم قمت اتحرك عالعوده امشي شويه شويه رابع يوم نفس شي خامس يوم كمت افوت للتواليت وحدي وسادس يوم كمت اتحرك عااااادي وسابع يوم بس فتحت الخيط اتحرك مثل قبل العمليه هسه اني ليوم الثامن وعادي الحمدلله اني وابني زينين هاي تجربتي اتمنى تستفادون بس اخر شي نصيحة الي تكدر ومتتأذى بالطبيعي خلي تولد طبيعي لان اكثر شي يعذب بالعمليه عدم القدره انو تقومي على ابنك واني وامي وحدنه فاضطريت اضغط على نفسي هوايه فقبل لاتسوين عمليه لازم تشوفيلج شخصين وياج شخص يعتني بيج وشخص يعتني بطفل لان ثنيناتكم حاله ينراد احد يخلي باله يمكم
العضوة: 3222 , 10 years ago
@user-19501 الله يهونها عليج يارب لاتخافين ان شاء الله يفتر وينزلالعضوة: 3222 , 10 years ago
@user-21496 الله يساعدج حبي لاتخافين ان شاء الله تسهل عليجالعضوة: 3222 , 10 years ago
@user-3679 اشكرج حبي ان شاء الله تتيسر ولادة كل الحوامل يااربالعضوة: 3222 , 10 years ago
@user-1812 اني كلشي مثلج بس اني طلعت ثاني يوم الصبح وخلوني اشرب مي واكل بسكت شويه من صار عندي ادرار الحمدلله نسيتهه هسه انيالعضوة: 1812 , 10 years ago
@user-3222 حمدالله على سلامتج والحمدالله على كل حال طبيعي ولا عمليه اهم شي النونو بصحه وعافيه احنا كبار ونتحمل لعيونهمالعضوة: 21496 , 10 years ago
@user-19501 اي اول مرة بكرية 😔 وحتى انا من الابرة اخاف زوجي سوة عملية قبل سنتين والله خلصت الوقت بكاء ولما طلع وشفته مبنج زاد البكاء وضليت ابكي بصوت وخفت على زوجي مع انه كان وضعه طبيعي بس انا هالاشياء ما احبها ما اطيقها اه ياربي يسهلها علينا ونخلص من هالكابوسالعضوة: 21496 , 10 years ago
@user-3222 ان شاء الله حبي مشكورة ... بس الماي مو يحتر ؟ شلون يبقى دافي انا عود كلت افور ماي وخلي يبرد بس يبقى بحرارة الجو .. بالكي بالمستشفى اخليهم يحمولي الماي لعدالعضوة: 3222 , 10 years ago
@user-1812 اي والله صحيح اهم شي هم الحمدلله على كل حالالعضوة: 3222 , 10 years ago
@user-21496 الله يساعدج حبي ان شاء الله تولدين بسلامه ياربي اي المي فوري قبل بيوم وحطي بترمز واخذي بطل مي عادي واخذيهن وياج هو اكيد حيصير من حار لدافيالعضوة: 20742 , 10 years ago
@user-3222 هلوام سجادشخبارج رجعتي البيت زوجج لوبعدج يم اهلج وشلون صارت نفسيتجالعضوة: 14827 , 10 years ago
الحمدلله ع سلامتك اجر وعافيه صحيح الم القيصرري لايطاق😔 صار عندي فوبيا وخوف م الحمل الثاني خوف من الالام العمليه 💔العضوة: 3222 , 10 years ago
@user-20742 هلاو حبيبتي شونج لاوالله بعدني بيت اهلي زوجي يريدني واني بعدني تعبانه نفسيآ وجسديآالعضوة: 3222 , 10 years ago
@user-14827 الله يسلمج حبيبتي تسلمين اي والله اني هم صار عندي فوبيا افكر اكول هم راح احبل واسوي عمليهالعضوة: 20742 , 10 years ago
@user-3222 هاهاحبي عادي روحي الزوجج خطيةديريديفرح ابطبت ابنةالبيتةوالله خطيةروحيلةالعضوة: 20742 , 10 years ago
@user-3222 😚😚😚والله اني ابدماطلعت من بيتي رغم انوماعندي احديخدمني لاحماةولاعمةولاشي بنفس اليوم كمت اشتغل والله 😢😢😢😥