10 years ago
  • المرحلة الأولى ( اول 3 اشهر)
السلام عليكم بنات بما انو هوايه يسألون عن العمليه القيصريه اني والده قبل اسبوع بعمليه وقررت اكتب الكم تجربتي اول مافقت من البنج حسيت بوجع قسم بالله عمري ماحسيته وجع حييييل قوي بس مووجع العمليه بس لامعاه الالام الدوره حسيت الرحم حيل يوجعني يكولون هنا الرحم يدور عالطفل ويوجع المهم اول يوم بس يحطون مسكنات بالكانونه كل شويه مسكن ومع المسكنات اكو الم نمت اول ليله بالمستشفى الدكتور كلي بكيفج تردين تطلعين بس اني فضلت ابات علمود المسكنات المهم مانمت الليل كله تدمرت من الالم الم ظهري والم بطني والم العمليه بعدها ثاني يوم الصبح كتبلي الدكتور على خروج وكلي بعد اسبوع افتحلج الخيط اجه زوجي وطلعنه طبعآ طلعوني على الكرسي لان مااكدر اتحرك ابد ورجعت للبيت ونفس الشي الحركه مثل الموت عندي وطفلي يرضع صدري واموت يلا احسن وضعيتي ثالث يوم قمت اتحرك عالعوده امشي شويه شويه رابع يوم نفس شي خامس يوم كمت افوت للتواليت وحدي وسادس يوم كمت اتحرك عااااادي وسابع يوم بس فتحت الخيط اتحرك مثل قبل العمليه هسه اني ليوم الثامن وعادي الحمدلله اني وابني زينين هاي تجربتي اتمنى تستفادون بس اخر شي نصيحة الي تكدر ومتتأذى بالطبيعي خلي تولد طبيعي لان اكثر شي يعذب بالعمليه عدم القدره انو تقومي على ابنك واني وامي وحدنه فاضطريت اضغط على نفسي هوايه فقبل لاتسوين عمليه لازم تشوفيلج شخصين وياج شخص يعتني بيج وشخص يعتني بطفل لان ثنيناتكم حاله ينراد احد يخلي باله يمكم

92 تعليقات

العضوة: 3222 , 10 years ago

@user-20439 حبيبتي اكلي تمر هوووااايه كلهه هسه تروح

العضوة: 20439 , 10 years ago

شلونج ام سجاد شوكت صليتي بعد العمليه

العضوة: 3222 , 10 years ago

@user-20439 حبيبتي بعد ماطلعت الاربعين لازم

العضوة: 20439 , 10 years ago

ليش اني مايوكع عليه دم

العضوة: 3222 , 10 years ago

@user-20439 لاهسه هذا دم مينكطع اني بقيت لل٦٠ يوم تنزل عليه وصاخه

العضوة: 20439 , 10 years ago

انتي طلعتي الاربعين

العضوة: 3222 , 10 years ago

@user-20439 اي حبيبتي اني صارلي شهرين من جايبه

العضوة: 20439 , 10 years ago

اني صارلي 12يوم

العضوة: 3222 , 10 years ago

@user-20439 اني بس اول يوم نزل عليه دم كومه بعدها كام ينزل كلش قليييل وبعدها اختفى وهم رجع وبقى لحد البارحه نظفت صدك

العضوة: 20439 , 10 years ago

اها ام سجاد لا تمسحين هذا البرنامج خلينه نسوي صفحه اني وياج خاصه بل اطفال 😊

العضوة: 3222 , 10 years ago

@user-20439 لالاحبيبتي ماماسحته واي شي تحتاجين اني حاضره

العضوة: 20439 , 10 years ago

تسلمين ياعمري 😙

العضوة: 3222 , 10 years ago

@user-20439 حبيبتي الله يسلمج

العضوة: 31427 , 10 years ago

@user-3222 مرحبا يااختي شونج ابنج اشونكم واوضاع ينام لو متعبج مينام بليل طلع اﻻربعين لو ﻻ ماكنتي مبينه بلبرنامج

العضوة: 3222 , 10 years ago

@user-31427 حبيبتي الحمدلله زينين اني وابني والحمدلله تحسن وصار ينام زين وره مانطيته بيبي كال كلش فاده دكتور كتبلياه والحمدلله صاير كلش زين عليه انتو شونكم