السلام عليكم بنات بما انو هوايه يسألون عن العمليه القيصريه اني والده قبل اسبوع بعمليه وقررت اكتب الكم تجربتي
اول مافقت من البنج حسيت بوجع قسم بالله عمري ماحسيته وجع حييييل قوي بس مووجع العمليه بس لامعاه الالام الدوره حسيت الرحم حيل يوجعني يكولون هنا الرحم يدور عالطفل ويوجع المهم اول يوم بس يحطون مسكنات بالكانونه كل شويه مسكن ومع المسكنات اكو الم نمت اول ليله بالمستشفى الدكتور كلي بكيفج تردين تطلعين بس اني فضلت ابات علمود المسكنات المهم مانمت الليل كله تدمرت من الالم الم ظهري والم بطني والم العمليه بعدها ثاني يوم الصبح كتبلي الدكتور على خروج وكلي بعد اسبوع افتحلج الخيط اجه زوجي وطلعنه طبعآ طلعوني على الكرسي لان مااكدر اتحرك ابد ورجعت للبيت ونفس الشي الحركه مثل الموت عندي وطفلي يرضع صدري واموت يلا احسن وضعيتي ثالث يوم قمت اتحرك عالعوده امشي شويه شويه رابع يوم نفس شي خامس يوم كمت افوت للتواليت وحدي وسادس يوم كمت اتحرك عااااادي وسابع يوم بس فتحت الخيط اتحرك مثل قبل العمليه هسه اني ليوم الثامن وعادي الحمدلله اني وابني زينين هاي تجربتي اتمنى تستفادون بس اخر شي نصيحة الي تكدر ومتتأذى بالطبيعي خلي تولد طبيعي لان اكثر شي يعذب بالعمليه عدم القدره انو تقومي على ابنك واني وامي وحدنه فاضطريت اضغط على نفسي هوايه فقبل لاتسوين عمليه لازم تشوفيلج شخصين وياج شخص يعتني بيج وشخص يعتني بطفل لان ثنيناتكم حاله ينراد احد يخلي باله يمكم
العضوة: 21135 , 10 years ago
@user-20742 يوة الله يقومك بالسلامه .. بس صعب لازم احد يساعد القيصري موت .. اختي ولدت قيصري من حضها كلنا عندها انا وامي وخواتي جلسنا ببيتها ..تقريبا اكثر من شهر .. وكان معها بنت عمرها سنه ونص اتوقع والله تعب تعب اشوفها ماتقدر تسوي شي مرة ..العضوة: 3222 , 10 years ago
@user-20742 وج عيالي مكروهين ميرادون اروح هناك بس اتعب واشتغلالعضوة: 3222 , 10 years ago
@user-20742 الله يكون بعونج حبيبتي ويقومج بالف سلامهالعضوة: 19501 , 10 years ago
ام سجاد تسلميلي حبيبتي دعواتك يا غاليهالعضوة: 19501 , 10 years ago
ساره حبيبتي الله يهونها عليك انت مثلي حساسه واي شي يبكيني بس هاد قدرنا والاطفال نعمه من رب العالمين يا رب كل الحوامل يقوموا بالسلامه ويطعم ذريه صالحه لكل مشتهيالعضوة: 3222 , 10 years ago
@user-19501 الله يسلمج حبيبتيالعضوة: 22608 , 10 years ago
@user-3222 اني هم ولدت بمستشفى الزهور الصراحه صح يعتنون ب الوالده وكل شوي يجون يشوفون وضعج ويعتنون ب الطفل بس كت فلوس اني ابو البنج ماقبل يطلعني ولايطلع ابني من صاله العمليات اذا مو فلوس وحتى ماكاللهم اني شنو جبت لان ماعرفت جنس الجنين اله لما ولدت وبعدين وقعت ع مسوليتي وطلعت لان خطيه اهلي تعبو ومنايمين يومين وابني من اجه حبيبي جان بردان فجابوله دكتور مختص يشوفه لان جان يطلع صوت من يتنفس مال برد فعبالنه بي شيالعضوة: 3222 , 10 years ago
@user-22608 اني رجلي هووايه انطاهم بخشيش ومعتنو بالطفل بس بيه ماكو خدمات ولااكو طبيب اطفال بحيث ابني كالو بالع مي راس ردنه طبيب بس يشوفه ماكو اخذه رجلي وطلع بره يدور على طبيب ومع انو غاليه اخذو مني مليونين ويه الدكتور انتي يم يادكتوره جبتيالعضوة: 22608 , 10 years ago
اني اخذو مني مليون ماعدا البخشيش وولدت يم دكتوره دعد والحمد الله حتى ماحسيت بوجع العمليه ماعدا مثل الشد وغيرها لا الحمد لله وكمت امشي بس فتحني البنج وحتى مكان العمليه متبين ابد ولاكانه مسويه عمليه وحتى اهتمو ب ابني وجابوله مختص ب الاطفال شافهالعضوة: 3222 , 10 years ago
@user-22608 اني جبت يم دكتور فارس انور بس الدكتور كلش زين وصحيح العمليه الحمدلله مابيها وجع ومكانها ممبين بس شنو المستشفى زباله كلش ومابيها خدمات بس الدكتور كل شويه يجي عليه يفحصني انتي شنو جبتي بنيه لو ولد اني جبت ولد رأسآ كالو لرجلي اجاك ولد حتى ينطيهم بخشيشالعضوة: 19172 , 10 years ago
@user-3222 بعد اول ولادة قيصريه يمديك بعدها تولدين طبيعي اذا ماعندك اي مشاكل.. بعد ولادتين يقولون مايمديك تولدين طبيعي ربك يسهلالعضوة: 3222 , 10 years ago
@user-19172 كلها تساهيل من رب العالمين بس احنه هنا بالعراق ميقبلون يولدون طبيعي بعد اول عمليه لان يكولون مخاطره بحياة الام فميقبلونالعضوة: 19172 , 10 years ago
@user-3222 احنا في مكة عادي يقبلون ومافي اي خطر الا اذا كان بسببالعضوة: 3222 , 10 years ago
@user-19172 لاوالله احنه هنا استغلاليين يفضلون العمليه ع الطبيعي علمود الفلوسالعضوة: 20439 , 10 years ago
ام سجاد كيف اتخلص من غازات البطن بعد العمليه