الحمد لله ولدت من 3 اسابيع.. الحمد لله كانت ولادتي الثانية اسهل من ولادتي الاولى مع انهم خوفوني كثير و كانو يقولو انهم بالولادة الثانية يعانون اكثر من الاولى.. بس كله تيسير من الله..
احكيلكم..
يوم 9/3 رحت افحص اذا عنق الرحم مفتوح.. رحت من الفضول ما كان عندي موعد.. فتت و قالت لي الطبيبة انتي لسى ما اجا موعدك بس فحصتني لقت الرحم مسكر.. قالت مو مفتوح و قالت لي امشي كثير مشان يفتح و لسى معك وقت..
المهم رجعت عالبيت على شغل البيت ع طول طبخ و غسيل و جليات و مشي بالليل برا البيت..
يوم 10/3 كمان على شغل و تنظيف و ترتيب.. و نوم كمان.. بآخر الليل اجاني وجع خفيف مثل نغزات ببطني من فوق قلت لا اكيد مو ولادة لأنو قالتلي مو مفتوح الرحم.. قلت بعمل حمام سخن لعل و عسى تخف عني التشنجات.. عملت حمام و ما بلاقي غير الالم بيزيد.. رحت بسرعة عالمشفى قالولي الرحم فاتح سنتي واحد بس.. ارجعي عالبيت و اذا نزلت السدادة او مي ارجعي.. قلت سنتي واحد معناتو لساتني مطولة.. و رجعت عالبيت و صار الوجع يروح و يجي.. و مع الفجر صار بيقرب اكثر من بعضو صار طلق و وكنت بشوف الساعة لقيتو كل 10 دقايق بس مانزلت لا سدادة و لا مي الراس..
يوم 11/3 مع اقتراب وقت الطلق ماعاد فيني امشي.. رجعت عالمشفى ساعة 9:30 الصبح قالت الرحم فاتح 4 سانتي و قالت بتظلي هون لانك رح تولدي.. فتت ع غرفة الانتظار مليانة نسوان و كل وحدة تصرخ غير شكل الله يهديهن.. الحمد لله ما صرخت مثلهن كنت اتوجع عالصامت..و قبلها بأيام كنت اتفرجت على فيديوهات رولا قطامي التنفس أثناء الطلق و صرت اتنفس مثلها و ادعي اللهم يا مخلص النفس من النفس خلصني.. و صار الوجع يشد اكثر و انا اتنفس و بعدين اجت وحدة عاملة نظافة الله يحميها يا رب و يبارك فيها قالتلنا اللي تحس انها رح تولد تعمل قرفصاء و اول ما عملتها حسيت رح يطلع.. اخذت اغراضي و رحت ع غرفة الولادة وقبل ما اطلع عالطاولة بس نزلت السدادة و مية الراس.. و لما طلعت كان راس ابني حبيبي بدو يطلع و بسرعة و بأول دفعة طلع الراس و الباقي ما حسيت عليه غير و القابلة حاطة ابني قدامي الحمد لله.. لا خياطة و لا غرز و لا شي.. كانت الساعة 9:50
اسهل من هيك ما في.. الحمد لله ميسرة ولا شربت اعشاب و لا زيوت و لا اي شي.. الدعاء و التنفس و المشي و الحمد لله فتت آخر وحدة و ولدت قبل كل اللي كانو بالغرفة ناطرين.. اهم شي لا تصرخي وقت الطلق يشد اتنفسي.. انصح كل الحوامل يتفرجو على رولا قطامي و الله ييسرلكم جميعا ياااا رب
العضوة: 57331 , 9 years ago
الحمد لله على سلامتك .. جزاك الله خير .. ان شاء الله اشوفها رولا هذي. .ربي يسعدك ويسهل للجميعالعضوة: 55092 , 9 years ago
ما شاء الله انا كمان الي 11يوم واه والحمد لله كانت سهله مع العلم كنت كثير خايفه لان بولادتي الثانيه تعذبت بس الحمد لله سهله وعدت على خير عقبال الجميع يا ربالعضوة: 11459 , 9 years ago
مبروك اختيالعضوة: 54343 , 9 years ago
@user-57331 الله يسلمك و يبارك فيكي و يسهل الولادة على كل الحوامل.. انصح الجميع بمتابعة رولا قطامي خاصة التنفس أثناء الطلق... كأنو بتشمي وردة و بتطفي شمعةالعضوة: 54343 , 9 years ago
@user-55092 الف مبروك الحمد لله ع سلامتكم.. و انا كمان كنت كتييييير خايفة و الحمد لله اجت ميسرةالعضوة: 54343 , 9 years ago
@user-11459 الله يبارك فيكي اختيالعضوة: 51502 , 9 years ago
الف مبروك حبيبتي قصتك تعطي تفائل لنا ..بس كيف تنعمل تمارين القرفصاءالعضوة: 54343 , 9 years ago
@user-51502 الله يبارك فيكي يا رب.. اكتبي باليوتيوب تمرين القرفصاء للحاملالعضوة: 34605 , 9 years ago
@user-54343 تسلمي ياغالية ....العضوة: 49029 , 9 years ago
الف مبروك ادعي معنا اللّٰه يسهلها علينا جميعا والله يحفضلك اولادكالعضوة: 54343 , 9 years ago
@user-49029 الله يبارك فيكي و يقر عيونكن بشوفة اولادكن بصحة جيدة و تقومو بألف سلامة يااااا ربالعضوة: 61396 , 9 years ago
الحمد لله علي السلامه وشكرا على النصيحهالعضوة: 55092 , 9 years ago
@user-54343 الله يسلمك حبيبتي الحمد لله كانت ميسرهالعضوة: 33434 , 9 years ago
@user-33950 الله هو المحدد لوقت الولادة رغما عن جميع الاسباب. والرياضة اكيد تسهل الولادةالعضوة: 33950 , 9 years ago
@user-33434 صح كلامك ونعمه بالله