الحمد لله ولدت من 3 اسابيع.. الحمد لله كانت ولادتي الثانية اسهل من ولادتي الاولى مع انهم خوفوني كثير و كانو يقولو انهم بالولادة الثانية يعانون اكثر من الاولى.. بس كله تيسير من الله..
احكيلكم..
يوم 9/3 رحت افحص اذا عنق الرحم مفتوح.. رحت من الفضول ما كان عندي موعد.. فتت و قالت لي الطبيبة انتي لسى ما اجا موعدك بس فحصتني لقت الرحم مسكر.. قالت مو مفتوح و قالت لي امشي كثير مشان يفتح و لسى معك وقت..
المهم رجعت عالبيت على شغل البيت ع طول طبخ و غسيل و جليات و مشي بالليل برا البيت..
يوم 10/3 كمان على شغل و تنظيف و ترتيب.. و نوم كمان.. بآخر الليل اجاني وجع خفيف مثل نغزات ببطني من فوق قلت لا اكيد مو ولادة لأنو قالتلي مو مفتوح الرحم.. قلت بعمل حمام سخن لعل و عسى تخف عني التشنجات.. عملت حمام و ما بلاقي غير الالم بيزيد.. رحت بسرعة عالمشفى قالولي الرحم فاتح سنتي واحد بس.. ارجعي عالبيت و اذا نزلت السدادة او مي ارجعي.. قلت سنتي واحد معناتو لساتني مطولة.. و رجعت عالبيت و صار الوجع يروح و يجي.. و مع الفجر صار بيقرب اكثر من بعضو صار طلق و وكنت بشوف الساعة لقيتو كل 10 دقايق بس مانزلت لا سدادة و لا مي الراس..
يوم 11/3 مع اقتراب وقت الطلق ماعاد فيني امشي.. رجعت عالمشفى ساعة 9:30 الصبح قالت الرحم فاتح 4 سانتي و قالت بتظلي هون لانك رح تولدي.. فتت ع غرفة الانتظار مليانة نسوان و كل وحدة تصرخ غير شكل الله يهديهن.. الحمد لله ما صرخت مثلهن كنت اتوجع عالصامت..و قبلها بأيام كنت اتفرجت على فيديوهات رولا قطامي التنفس أثناء الطلق و صرت اتنفس مثلها و ادعي اللهم يا مخلص النفس من النفس خلصني.. و صار الوجع يشد اكثر و انا اتنفس و بعدين اجت وحدة عاملة نظافة الله يحميها يا رب و يبارك فيها قالتلنا اللي تحس انها رح تولد تعمل قرفصاء و اول ما عملتها حسيت رح يطلع.. اخذت اغراضي و رحت ع غرفة الولادة وقبل ما اطلع عالطاولة بس نزلت السدادة و مية الراس.. و لما طلعت كان راس ابني حبيبي بدو يطلع و بسرعة و بأول دفعة طلع الراس و الباقي ما حسيت عليه غير و القابلة حاطة ابني قدامي الحمد لله.. لا خياطة و لا غرز و لا شي.. كانت الساعة 9:50
اسهل من هيك ما في.. الحمد لله ميسرة ولا شربت اعشاب و لا زيوت و لا اي شي.. الدعاء و التنفس و المشي و الحمد لله فتت آخر وحدة و ولدت قبل كل اللي كانو بالغرفة ناطرين.. اهم شي لا تصرخي وقت الطلق يشد اتنفسي.. انصح كل الحوامل يتفرجو على رولا قطامي و الله ييسرلكم جميعا ياااا رب
العضوة: 54343 , 9 years ago
@user-61396 الله يسلمك... العفوالعضوة: 55099 , 9 years ago
ماشاء الله الف مبرووووك الله يحميلك البيبي ....والله حسستني براحة لما قريت كلامك مع انوا ولادتي الثانية بس ولدت بدون الم .هى الولادة ان شاء الله راح اولاد بالألم .. ان شاء الله لما ادخل التاسع راح ارجع اقرا كلامك يرد الروح ..الله يسعدكالعضوة: 57311 , 9 years ago
لو سمحتي عندي سؤال ممكنالعضوة: 22324 , 9 years ago
مبروك والحمدلله علي سلامتكالعضوة: 54343 , 9 years ago
@user-55099 الله يبارك فيك بنت بلادي... و يحفظلك وليداتك و يسلكك على خير و يعطيك وقفة ساهلة ياااا رب راني فرحانة كي راني نعطيكم جرعة من التفاؤل ربي يفرحكم جميعا ان شاء اللهالعضوة: 54343 , 9 years ago
@user-57311 اهلا وسهلا اختي اتفضليالعضوة: 54343 , 9 years ago
@user-22324 الله يبارك فيك و يسلمك يا ربالعضوة: 57311 , 9 years ago
انتي كنتي ماشيه ع حاسبه الحملالعضوة: 57311 , 9 years ago
ع البرنامجالعضوة: 54343 , 9 years ago
@user-57311 اي نعم.. وكان تاريخ الولادة المتوقع 14 آذار.. لكن اللي ما تكون بكرية ممكن تلد قبل التاريخ المتوقع