9 years ago
  • المرحلة الثالثة (الأشهر 9,8,7)
الحمد لله ولدت من 3 اسابيع.. الحمد لله كانت ولادتي الثانية اسهل من ولادتي الاولى مع انهم خوفوني كثير و كانو يقولو انهم بالولادة الثانية يعانون اكثر من الاولى.. بس كله تيسير من الله.. احكيلكم.. يوم 9/3 رحت افحص اذا عنق الرحم مفتوح.. رحت من الفضول ما كان عندي موعد.. فتت و قالت لي الطبيبة انتي لسى ما اجا موعدك بس فحصتني لقت الرحم مسكر.. قالت مو مفتوح و قالت لي امشي كثير مشان يفتح و لسى معك وقت.. المهم رجعت عالبيت على شغل البيت ع طول طبخ و غسيل و جليات و مشي بالليل برا البيت.. يوم 10/3 كمان على شغل و تنظيف و ترتيب.. و نوم كمان.. بآخر الليل اجاني وجع خفيف مثل نغزات ببطني من فوق قلت لا اكيد مو ولادة لأنو قالتلي مو مفتوح الرحم.. قلت بعمل حمام سخن لعل و عسى تخف عني التشنجات.. عملت حمام و ما بلاقي غير الالم بيزيد.. رحت بسرعة عالمشفى قالولي الرحم فاتح سنتي واحد بس.. ارجعي عالبيت و اذا نزلت السدادة او مي ارجعي.. قلت سنتي واحد معناتو لساتني مطولة.. و رجعت عالبيت و صار الوجع يروح و يجي.. و مع الفجر صار بيقرب اكثر من بعضو صار طلق و وكنت بشوف الساعة لقيتو كل 10 دقايق بس مانزلت لا سدادة و لا مي الراس.. يوم 11/3 مع اقتراب وقت الطلق ماعاد فيني امشي.. رجعت عالمشفى ساعة 9:30 الصبح قالت الرحم فاتح 4 سانتي و قالت بتظلي هون لانك رح تولدي.. فتت ع غرفة الانتظار مليانة نسوان و كل وحدة تصرخ غير شكل الله يهديهن.. الحمد لله ما صرخت مثلهن كنت اتوجع عالصامت..و قبلها بأيام كنت اتفرجت على فيديوهات رولا قطامي التنفس أثناء الطلق و صرت اتنفس مثلها و ادعي اللهم يا مخلص النفس من النفس خلصني.. و صار الوجع يشد اكثر و انا اتنفس و بعدين اجت وحدة عاملة نظافة الله يحميها يا رب و يبارك فيها قالتلنا اللي تحس انها رح تولد تعمل قرفصاء و اول ما عملتها حسيت رح يطلع.. اخذت اغراضي و رحت ع غرفة الولادة وقبل ما اطلع عالطاولة بس نزلت السدادة و مية الراس.. و لما طلعت كان راس ابني حبيبي بدو يطلع و بسرعة و بأول دفعة طلع الراس و الباقي ما حسيت عليه غير و القابلة حاطة ابني قدامي الحمد لله.. لا خياطة و لا غرز و لا شي.. كانت الساعة 9:50 اسهل من هيك ما في.. الحمد لله ميسرة ولا شربت اعشاب و لا زيوت و لا اي شي.. الدعاء و التنفس و المشي و الحمد لله فتت آخر وحدة و ولدت قبل كل اللي كانو بالغرفة ناطرين.. اهم شي لا تصرخي وقت الطلق يشد اتنفسي.. انصح كل الحوامل يتفرجو على رولا قطامي و الله ييسرلكم جميعا ياااا رب

55 تعليقات

العضوة: 58785 , 9 years ago

مبروك حبيبتي و شكرا على التجربة ممكن سؤال

العضوة: 45064 , 9 years ago

مبروك والحمدلله علي سلامتك

العضوة: 54343 , 9 years ago

@user-58785 الله يبارك فيكي اتفضلي

العضوة: 54343 , 9 years ago

@user-45064 الله يسلمك و يبارك فيكي يا رب

العضوة: 58785 , 9 years ago

اختي كنتي بتعملي قرفصاء و الوجع فيك ماشاء الله

العضوة: 54343 , 9 years ago

@user-58785 اي و الله عملتها مرة وحدة و على طول ع غرفة الولادة بعد ما سمعت النصيحة

العضوة: 58785 , 9 years ago

تبارك الرحمان و حاجة اخرى لما كانت تعملك فحص داخلي يعور

العضوة: 54343 , 9 years ago

@user-58785 الطلق اقوى من اي احساس آخر.. شكلك بكرية

العضوة: 58785 , 9 years ago

و الله ولادة تانية انشاء الله

العضوة: 33950 , 9 years ago

كل يوم امشي وحركتي مااشاء الله بكثرة وتمارين قرفصاء اعملها ٤٠مرة واحيانا اضعاف ومافي بوادر ولادة...يمكن لان جسمي تعود ع الرياضة قبل الحمل

العضوة: 33950 , 9 years ago

اسفه والله نسيت ولدتي. حمدلله ع سلامتك ويتربى بعزكم ياررب

العضوة: 54343 , 9 years ago

@user-33950 الله يسلمك و ييسرلك يا رب و تولدي بالسلامة

العضوة: 54343 , 9 years ago

@user-58785 الله ييسرلك يا رب و تكوني مثلي ولادة سهلة و ميسرة

العضوة: 33950 , 9 years ago

الله يسلمك تسلمي 💕

العضوة: 54343 , 9 years ago

@user-33950 انا بس كنت امشي القرفصاء عملتها مرة وحدة بغرفة الانتظار و منها على طول على طاولة الولادة ههههههههه الحمد لله